Uncategorized

Biography of Maharana Pratap -Panna Dhay -Part 2

Yah Maharana Pratap ki Jeevani ka Dusara bhag hai,Pahale bhag ke liye Niche diye link opar click karen.


Maharana Chetak ki Mrityu par Ro pade… Itane me Mughal sainik Waha aa gaye… Unhone apane Ghodon ko Nala par karane ka Aadesh diya… Lekin Har Ghoda Chetak nahi Ho sakata… Unake Ghode Waha se hile tak nahi.

Shakti Singh ne jab dekha ki ek mook Janwar Apani Swamibhakti Dekhakar Apani Matribhumi ke liye Pran Nyochhawar Kar diye…. To wah to Manav hai…. Use bahot Glani hui.

Idhar Nala par Kar Mughal Sainiko ne Jaise hi Pratap par Prahar kiya… Shakti Singh ne Bijali ki teji se un Sainiko ka Sar Kat diya…. Shakti Singh Hath jodakar Ghutano ke bal baith gaya …aur Rote huye Mafi manane laga…. Wah bar bar kah raha tha ki mai hi in Sab Ghatanao ka Doshi hu… Maine bahut bada Pap kiya hai… Itihas mujhe kabhi Maf nahi karega… Bhaiya ek mauka de do… Mai Prayashchit karana chahata hu.

Pratap ne Kaha… Shakti Jo Pap Jo Vishwashghat tumane Mewad ke logon se kiya hai.. Wo Mafi ke yogya nahi hai… Lekin Mai Tumhare Akhon me Prayashchit ke Ansoo dekh raha hu… Parantu Kshatriya Dharm mujhe isaki Izazat nahi deta ki Mai Tumhe Gale laga lun… Mai Mewad ka Sipahi hu Aur Tum Mewad ke Dushman… Jao chale jao yaha se….

Hindi best story ki image
Thik hai Bhaiya mai ja raha hu,lekin ek Nivedan hai… Mera yah Ghoda le lo Aur yaha se door chale jao.. Aur Aap Yuddh hare nahi Ho… Yuddh raka gaya hai…. Aur Mewad ki Saugandh ab yah Talawar Sirf Mewad ke Dushmano par chalegi….. Shakti Singh ne Bhavaveg me Tharrati Awaz me Kaha
Pratap usaki bato ko sunte rahe Aur Rote rahe Fir we uthe Aur Shakti ka Ghoda liya… Shakti bhi Nazaren jhukakar wahi Khada ro raha tha…

Pratap ne Kaha… Mai Tumhara yah Ehsan kabhi nahi bhulunga… Itihas Hamesha yah yad rakhega…Fir wah Drutgati se Waha se chale gaye.

Idhar Nadi par karake kisi Tarah Chhipate Chhipate jab Shakti Singh Mughal Chhavani pahucha to yaha Harakar macha hua tha… Har Taraf Maharana ja Khauph chhaya hua tha… Har koi Dar raha tha ki kahi Pratap hamala na Kar den…. Itani Kam Sena par bhi Teen Dino tak Vishalkay Mughal Sena ka Samana karate huye Pratap ne Kushal Netritwa Aur Atulaniys Sahas ka Jo Parichay SD diya tha… Wah Mughal Chhavani me abhi tak Dikahai de raha tha…. Har koi Bhayakrant tha.

Maan Singh, Saleem tatha anya Saradar Baitha Kar Yuddh ki Samiksha Kar rahe the… Ki Itane me Do Sainiko ne Akar bataya ki Shakti Singh  Cchawani me dekhe gaye hain …aur Wo Idhar Se hi aa rahe hai …jis Taraf Pratap ko Bhagate dekha gaya tha Aur unake sath unaka Ghoda bhi nahi hai Aur Pratap ka Peecha karate huye gaye dono Sainik bhi nahi laute hain.

Saleem ko Shakti par Shaq hua ki Itane me Do Sainik Ghabrate huye Waha pahuche Aur bole ki Dono Sainik maare ja chuke hai…. Aur wahi par Pratap ka Ghoda Chetak bhi Mara hai par Pratap Waha nahi hai… Us par Saleem Krodhit ho gaya… Usane Shakti ko Girftar karane ka Aadesh de diya…..

Puchh tachh par Shakti Singh be Bahadur Rajpoot ki Tarah Aage badhakar Mughal Sainiko ki Hatya ki Bat Qabool Kar li… Shakti ke karan Maharana Jeevit Bach gaye the… Shakti ka Apraadh bahot Sangeen Mana gaya… Use Vidroh ke Jurm me Antim Nirnay tak Bandi banane ka Aadesh diya gaya.

Hindi best story ki image
Shakti ke Ghode par Sawar Maharana Door Pahadiyo par Pahuche… Waha par unhe Wafadar Bheel mile… We unhe Gupt Gupha me le gaye… Waha Pratap ka Upchar hone laga… Aur we Bheel Teer Kaman ke sath Charo Taraf Bikhar gaye… Jisase kisi bhi paristhiti me Dushman ke Hamale ka javab diya ja sake.

Dhire Dhire Pratap ki Tabiyat sudharane lagi…. Ek din we Yuddh ke bare me soch rahe the…. Is yuddh me 20 hajar sainiko me se 14 hajar Sainik Shaheed Ho gaye… Kitana Bhayanak Yuddh tha… We unaki Bahaduri ko yad Kar lage…. Tabhi unhe Chetak ki yad aati hai… Chetak ko yad Kar we Rone lage….we sochane lage ki ghayal hone par bhi Chetak ne Jis Bahaduri ka Parichay diya wah Har kisi ke bas ki baat nahi hai….. Unhone Shakti ko bhi yad kiya… Jisake karan Aaj we Jinda hain….. Tabhi unhe Yuddh me Har ka karan Dikha “Topon ka war”…..jisake Hamale se Sena ki Itani Hani hui….

Hindi best story ki image
Udhar Maan Singh ne Akabar ko Jeet ki suchana di… Fir jab Akabar ne Yuddh ki Samiksha ki to use Nuksan chhod kahi par bhi Fayada najar nahi aya…. Sath hi Pratap ke zinda bache rahane ka Dar bhi tha… Use yah Samajha aa gaya ki abaki bar Rajpoot Topon ki Kat avashya ki khojenge… So wah kuchh din Swayam Mewad me raha… Anya Yoddhaon ko Alag Alag Mahatwapurn jagaho par tainat kiya.

Maharana ka Vijay Abhiyan



Un Dino Maharana pratap  bahot hi Sangharsh purn Jeevan ji rahe the…. Unhe Jangalo me chhipakar rahana pad raha tha… Unaki Sena Puri Tarah Bikhar chuki thi…. Lagabhag pure Mewad par Mughalon ka Kabja Ho chuka tha… Pratap ke Patni Aur Bete ko kai Dino tak Bhookha rahana pada… Unhone Ghas ki Rotiya khai…

Idhar Akabar Lagatar Pratap ko pakadana chahata tha…. Usake Sainik kai bar Pratap ke kareeb tak aa gaye lekin Bheelo ne Apani Jaan dekar Pratap ki Raksha ki… Bheelo ki Mrityu se Pratap ka Man Khinn hone laga…

Unhi Dino Aagare ke kile me 9 Dino ka Mela lagata tha… Jisame Kharidane se lekar Bechane tak koi bhi Purush nahi hota tha… Kewal Akabar ko yah ADHIKAR tha ki wah Mele me ja sake… Usake Alawa koi bhi Purush Mele me nahi ja sakata tha… Waha kai Rajpoot Mahilaon ka Maan bhang Ho chuka tha… Is Mele ko band karane ki Mang kai baar uthi lekin koi Khelkar bol na saka….

Is bar ke Mele me Mughal Darbar ki kavi Maharaj Prithviraj ki Dharmpatni Joshabai ke sath Abhdra Vyavhar hua…. Joshabai yah Sahan na Kar Sakin…. Pati ko is Ghatana ki jankari dene ke bad Unhone Atmhatya Kar li… Yah bat Rajpooto me Jangal ki Aag ki Tarah phaili… Sare Rajpoot krodhit ho gaye… To Akabar ne badi chalaki se Mele ko band karawakar Mahaul ko Shant kiya… Lekin is Ghatana ke Rajpooto ke Man ko Jhakjhor diya… We Mauke ki Talash me rahane lage… Uname Pratap ke Roop me ek Asha ki Kiran thi…..

Idhar Pariwar ko Bhookha Dekhakar Pratap ka Dhairya javab de gaya tha…. manav khud Bhookha rah sakata hai… Lekin Pariwar ko Bhookha nahi dekh sakata.. So Unhone Akabar ko Sandhi ka Prastav bheja….

Akabar ka RAJ Darbar laga tha… Sare Darbari aa Gaye… Na chahate huye bhi Prithviraj bhi Darbar me Pahuche…we akele kuchh karane me Asamarth the… We Apane Bheetar jal rahi Aag ki Aanch ko Upar nahi Aane de rahe the… Unhone Badshah ko Salam kiya Aur Aashan Grahan kiya… Aaj Akabar bahot Khush najar aa raha tha… Usane sabhi Darbariyo ko Sandhi ki bat batayi… Pure Darbar me Kolahal mach gaya…. Kisi ko is baat par Vishwash nahi Ho raha tha….

Is par Raja Prithviraj bole ki Aisa Kadapi sambhav nahi hai…. Sooraj Poorab ki jagah Pashchim se Nikal sakata hai ….lekin Pratap aisa kattai nahi Kar sakate…. Agar Aap chahe to mai isaki Tahakikat karana chahunga… Mujhe poora Yakin hai ki yah Patra kisi Aur ne Likha hai.

Akabar ne Tahakikat ki Izazat de di…. Raja Prithviraj ghar pahuche Aur ek Bahot hi Marmik Khat likh Kar Pratap tak bhijwa diya…. Aur idhar Shakti Singh Kaid se Farar hokar Akabar ke Adheen Rajpoot Kshetro me jakar Pratap ke nam par Sena ka Gathan Kar rahe the…. Chunki pahale to unhe bahot hi Narajagi jhelani padi… Kyoki Sab to Unhi ke karan hua tha… Lekin unake Vishwash dilane Aur Mafi manane par Aur Pratap ke Nam ke karan Unhe Jansahyog milane laga…..

Unhone Mughalon ke Adheen kuchh Durg jeet liye…. We ek badi Sena ka Gathan Kar usaka Netritwa Pratap ke hath me Dena chahate the…. Lekin jab unhe Sandhi ki bat pata chali to we turant hi Pratap ki khoj me jangal ki Taraf Chal pade… Unhe is bar ka Vishwash hi nahi Ho raha tha….
Jab Shakti Singh Waha pahuche to Tamam Sardar Waha pahuche huye the…. Sabhi log unhe Sandhi na karane ke bare me Samajha rahe the…. Shakti ne bhi apani Sena Aur Jeet huye kuchh kilon ka Vivran Pratap ki samane Prastut kiya.. Usi samay Pratap ko Prithviraj ka Patra mila… Jisame Unhone Bahot hi Marmik Dhang se Sandhi na karane ko Vinatee ki thi….

Yah Patra padh Kar Pratap ka chehara Lal Ho gaya… Chunki Unhone pahale bhi Majboori me Sandhi ka Prastav bheja tha…. Lekin ab itana Sath milane par Unhone Sandhi ki bat Tyagkar Mughalon se Yuddh karane ko thanee…… ..

Lekin Rajpooto ke pad Dhan ki kami thi…. Sara SAMRAJYA Bikhar Jane ke Kar Dhan ka abhav Ho gaya tha…. Aise me Bhabhashah Jo ki Mewad ke bahot bade Dhanee the… Unhone Dhan dene ki Ichchha Prakat ki. ….We us Dhan ko Mughalon se bachakar rakhe the…. Unhone Dhan dekar apana Nam Itihas me Amar karawa liya ……Jab jab Pratap ke bare me Padha jayega.. Bhabhashah ke bare me jaroor padha jayega.

Bhabhashah ke is Amulya Yogdan se Pratap ko Sena Sangthit karane me bahot madad mili…. Shakti Singh ne bhi apani Sangthit Sena ko Pratap ko saup diya…. Prithviraj bhi Pratap ke sath Ho gaye Aur pahale hi Akraman me Pratap ne Kumalmer ko AZAD Kara liya….

Fir Akabar ne Maan Singh ko Finsahara ka kila Jo ki Shakti Singh ke Ksbje me tha ko Mughal SAMRAJYA me milane ka Aadesh diya….Maan Singh ne Mahabat kha ko yah Jimmedari saupi… Usane ek badi Sena ke sath kile ko gher liya… Us samay Matra kuchh Sainiko ke sath Shakti Singh kile me the… Unhone kisi Tarah Pratap tak yah Samachar bhijwaya….

Pratap yah Samachar pate hi Kile ki wor badh chale…. Idhar Shakti Singh ne Shatru ke Badhate Dabav ko Kam karane ke liye Hamale ki taiyari ki… Achanak Do Taraf se huye Hamale se Mughal Sena ke pair ukhad gaye… Mahabat kha ko Kaid Kar liya gaya… Pratap ki Sena ko bahot Yuddh samagri bhi hasil hui…. For Mahabat kha ko chhod diya gaya….

Pratap ne Kumbhalgarh kile ko yuddh ka Kendra bana liya… Jaha par Unhone Topon ke sath Adhunik hathiyar Jama kiye… Unhone lagabhag pure Mewad ki fir se AZAD Kara liya… Isase Akabar bahot hi Pareshan Aur krodhit hua….

Usane Shahbaz Khan ke Netritwa me kareeb 150000 se Upar sainiko ke sath Mewad ki jeetane ke liye use bejha…. Waha Rajpooto Aur Mughalon ke beech Bheeshan ladai hui……Charo Taraf Katleaam macha hua tha …..Hara Taraf Lashon ka Dher pada hua tha….. Chitkare hi Chitkare sunayi de rahi thi…..Talwaro ki Takarahat se Sara Akash gunj raha tha…. Topen Aag ugal rahi thi….

Jab Shahbaz ne dekha ki wah kile par kabja nahi Kar sakata to Usane Dhoke se Kam liya…. Usane kisi Tarah Pratap ke Topon ke Barood me Shakkar milawa diya…. Jisase Topen fat gayi….Fir Mughal Sena bhari PADANE lagi… Pratap ko kila chhodkar Jana pada… Kile par Shahbaz ne kabja Kar liya….

Is yuddh me Maan Singh Jaise yoddha nahi the… Kyoki Shakti Singh prakaran ke bad Akabar ko yah Shaq Ho gaya tha ki Iname bhi Rajpooti Khoon Ubal Mar sakata hai…. Kile par kabja Kar Akabar ne use Gazi kha ko de diya…. Aur Fir Shahbaz ne Aur bhi Kshetro me Jeet hasil Kar Fir se Mewad ko Mughal SAMRAJYA me mila liya….

Mewad Vijay ke bad 1578 me Shahbaz Wapas laut gaya…. Usake Wapas lautate hi Pratap ne Wapas hamala Kar Kumbhalgarh ko chhodkar lagabhag pure Mewad par Fir se kabja Kar liya…

Ek ladaki ka PRATISHODH

11 November 1579 ko Shahbaz ne ek bahot badi Sena ke sath Mewad par hamala kiya…. Abaki wah Sara khel khatm Kar Dena chahata tha…. Usane ek badi sankhya me sainiko ko Pratap ko pakadane ya Mar dene ke liye laga diya… Lekin Jansahyog ke karan Mughal kabhi bhi Pratap tak pahunch hi nahi paye….

Fir 1580 me Akabar ne use Wapas bula liya… Aur use AJAMER ki Subedari se hatakar usaki jagah Abdurrahim khankhana ko AJAMER ki Subedari di gayi…. Ab Mewad me sainik karywahi ko Anjam tak pahuchane ki Jimmedari Khankhana par aa gayi…. Idhar Pratap ke Hamale jari rahe… Unhone Kumbhalgarh ko bhi AZAD Kara liya….

5 दिसंबर  1584 ko Jagannath Kachhava ne Pratap par hamala kiya… Lekin wah bhi unhe nahi pakad saka…..

Pratap ki Mrityu......



Haldighati ke yuddh ke bad akeneko baar Akabar ne Mewad par hamala kiya…. Kabja Jamaya…. Lekin Har bar Pratap ne Mewad ko Fir se AZAD Kara liya….. Is wajah se Akabar Tang aa gaya tha… Idhar Rajpooton me Akabar ke Viruddh Krodh badhane laga tha… Is bat ki Bhanak Akabar ko lag gayi…

Usane Maan Singh ko bulakar Vichar Vimarsh kiya Aur Yuddh Rokane ki Ghoshana Kar di…. Jab yah baat Pratap ko pata chali to we bahot Nirash huye…. Akabar se Yuddh karana Unake Jeewan ka hissa Ho gaya tha….

Unhe is bat ki chinta thi ki Unake bad Mewad ke liye Ladane Wale Rajpooto ki Parmpara khatm Ho jayegi…. Mewad ka Bhavishya unhe Ujjwal nahi dikh raha tha…. Unhe Dar tha ki kahi Dabav me Akar Amar Singh Mughalon se Sandhi na Kar Len….

Pagal ladaki -Sachhi Prem kahani

Isi beech unaki Tabiyat bahot bidad gayi… 25 Varshon ke Yuddh Aur Jangalo me rahane ke karan unaka Shareer kamjor Ho gaya tha… Unaki Tabiyat kharab hone ki bat Door Door tak pahunchi…. Bade Bade Rajpoot Yoddha yahan tak ki Musalmam Sardar bhi unhe dekhane Aane lage….

Ek din Unhone Shakti Singh, Amar Singh, Prithviraj Aadi Vishwash Yoddhao ko bulaya… Unaki Tabiyat jyada kharab Ho rahi thi…. Unhone ne un sabhi logon ko apani chinato se Avagat karaya… Is par Shakti Singh ne Kaha ki Aap chinta na Kare…. Ham jab tak Chittod ka Kila nahi Jeet lete… Mughal se Samjhaute ki Gunjais hi nahi hai… Ham Aapke Vachan ko tootane nahi denge… Chahe Hame Prano ki Ahuti hi kyon na Deni pade…..

Is par Pratap Muskurate huye bole ab Mai Sukun se Mar sakunga… Mera Samay nikat aa Gaya hai….. Mujhe AISI Jagah Lita do Jaha se Mai Chittod ka Kila dekh sakun… Unhe us jagah litaya gaya….
Unhone Rundhe gale se Kile ki wor dekhate huye Kaha ki mujhe Maf Kar do… Mai kabhi Apako AZAD nahi Kara saka…. Aur unaki Aakhen kile ki Wor Tikin rah gayi… Jab Vaidya ne dekha to unaki Nadi Band Ho gayi thi… Sanse ruk gayi thi… Yah dekh Amar Singh, Shakti Singh Anya Yoddha Foot foot Kar Rone lage…. Sara Mewad Shok me Doob gaya…… Mewad ka Chamchmata Sooraj Ast Ho chuka tha……..



Badh chale Chetak par ho Sawar aisa Shoorveer Maharana,
Karana hai Dushman ko Nestnabut Jisane hai Man me Than,
Har Vippatiyo ..Har Katinaiyo ko par karake Apana Vachan hai nibhana…
Maharana... Maharana... Maharana
Shaurya ki JWALA hai Jisame bhari,
Jisake Aage hai Maut bhi Dari,
Jisake Rom Rom me Jhalakata hai Swabhiman,
Aise Maharana par hai HINDUSTAN ko Abhiman….
Maharana.... Maharana...
Khayi Ghas ki Roti, Rahe Gupha me fir bhi Juban par Uf tak na Aayi,
Har Kathinayio se Ladakar Jeewan ki Patibhasha hai batayi,
Pura kiya Vachan Jo Shapath thi Unhone Khayi,
Mewad ki AZADi Dilayi
Maharana ……. Maharana



Hello friends Apako yah Maharana Pratap ki Biography Kaisi lagi comment me Jaroor bataye… Aur Email ke Dwara mujhe Follow Kare… Jisase mere Dwara likhi gayi New story Aap tak turant pahuche….. Thank you

Maharana pratap ki Jeewani -Part 1

About the author

Hindibeststory

Leave a Comment